بعد التندر عليه/منير بن صالحة يعكس الهجوم و يكشف تفاصيل جدية حول سر” الفاصمة المتحولة” في وجه سحر حامد
صوت الضفتين-تونس
بعد تعرضه للهجوم و للتندر من قبل فايسبوكيين ومتعاطفين مع المذيعة سحر حامد كشف المحامي منير بن صالحة معطيات جديدة شكك من خلالها قي صحة رواية المتضررة التي قالت انها تعرضت لبراكاج ومحاولة قتل.
وجاء في تدوينته انه لديه مائة سؤال لكنه فضل السؤال الاهم عن تحول”الفاصمة” من اليمين الى اليسار.
وكتب بن صالحة:
“سحر حامد” لقات الوقت و الجهد بش تسب محامي و بش تجعل من العركة عركة قطاعية بين محاماة و اعلام في حين انو الموضوع ابعد بكثير : اولا احنا نتمناوولها الشفاء العاجل و ربي يحفضها لبناتها ،اما تقنية “Mirroring “ فنحن نعرفها باعتباري أشرفت على اعداد برنامج رفعت الجلسة لسنوات قبل طبعا ما السيدة “سحر حامد” تدخل للإعلام و طرحت هذا السؤال التقني لاسباب اخرى و سحر حامد فاهمة جيدا علاش انا حكيت على حكاية الفاصمة و هذا موش مجال حتى لا يتأثر البحث و هي فاهمتني آش نقصد بالضبط بسؤالي موش بش نشكك في الاعتداء لانو ثابت بتقرير طبي موجود في الملف و لكن طرحت السؤال لبيان نقطة اخرى اهم “سحر” اكثر حد يعرفها . لو كان حبيت يا سحر نحكي و نسأل راني سألت على أمور أخرى مثلا راني سألت :عن مدى وجود اية قطرة دم بالسيارة؟ عن مدى وجود البصمات ؟ هل المشتبه فيها التقت بك يوم الواقعة حسب تحركات هاتفها الجوال ؟ السيارة متاعها مجهزة ب gps هل اقتربت من مكان الواقعة ؟ هل مرت سيارتها او سيارة من معها بالطريق السيارة حسب الكاميرا الموضوعة بمحطات الاستخلاص ؟ باش تفسر انو الجناة بالصدفة طلعو عنهم مقهى بجنب رادير ماد الي تمشيلها و تعرف مولاها و الفتاة الي معاه باعتبارهم يسكنو ايضا معاك في نفس الحي ؟و اذا كان انتوما تعرفو بعضكم من الممكن يولي ما عادش براكاج بل يولي عركة او انتقام او اي شيء آخر يخبي وراه حكاية طويلة ؟ كان حبيت نتساءل راني سألت مئة سؤال و سؤال آخر …لكن انا ما حبيتكش نأثر على سير الابحاث ثقة في الباحث و في النيابة العامة المحترمة . ما حبيتكش تخرج بالمظهر هذاك و كأنك تحب بالقوة التهمة تلبس هؤلاء ، اذا كانك انت ماكش متأكدة خلي البحث ياخذ مجراه .مشكلتي ماهاش معاك بالعكس نتمنى اقصى العقوبة للي اعتداو عليك لكن انت ترضى انو انسان مازال مشتبه به تصاورو و تصاور بوه يدورو و يعملولو محاكمة شعبية على الفايس بوك قبل حتى القضاء الي مازال حتى ما وجهش التهمة عليه ؟ترضى و انت اعلامية محترمة اننا نقضيو على قرينة البراءة و يولي المتهم ما عاتش بريء حتى تثبت ادانتو بل مجرم قبل حكم القضاء ؟ نقلك ربص روحك و ما تنساقش وراء صفحات الفايس بوك و خلي ثيقتك في ربي و في القضاء و صحيح بو المشتبه فيها صديقي و زميلي و انت زادا صديقتي و اعلامية محترمة ما نرضاوش فيه دقة الشوكة و نحبكم الزوز تاخذو حقكم عن طريق المحكمة و ليس عن طريق الفايس بوك.
