ديبلوماسي ليبي سابق: الغنوشي انقذه القذافي من الاعدام واليوم يتواطئ مع اردوغان لاستعمار ليبيا

صوت الضفتين-تونس

تعليقا عما يحدث اليوم على الارض في ليبيا وتدخل الاتراك في هذا البلد واقدام رئيس فرع الاخوان في تونس راشد الغنوشي على التواطئ مع الرئيس التركي اردوغان وجه الديبلوماسي الليبي السابق الدكتور محمد سعيد القشاط رسالة الى الشعب التونسي نوه فيها بالعلاقات بين البلدين الاخوين و التاريخ النضالي المشترك بينهما.كما استغرب تواطئ الغنوشي مع اردوغان للاتعداء على ليبيا وهو الذي تدخل له الزعيم الراحل معمر القذافي ليتم اطلاق سراحه من السجن .

وجاء في رسالته:

( الى الاخوة في الجنوب التونسي )
ان التاريخ الذي يجمعنا مع تونس لايمكن ان ينساه ناسي او يمحى من الذاكرة ..
فعندما هاجم الفرنسيون تونس عام 1881 ارتحل 45000 من التونسيين واستقروا في سهل الجفارة في ليبيا .. واستقبلهم اخوتهم الليبيين بكل رحابة صدر ..وعندما جار الاتراك على ليبيا .. وصادروا الاموال وقطعوا الرؤوس .. هاجر الاف الاسر الليبية الى تونس واستقروا بها بل ذابوا في المجتمع ..وصار منهم الرئيس بورقيبه .. والباهي الادغم وكلاهما من مصراته .. وعلي الزليطني من زلطن .. وفرحات حشاد من قبيلة الجوازي ..
وعندما هاجمت ايطاليا ليبيا عام 1911 وانتهت المقاومة هاجرت الاف الاسر الليبية الى تونس واستقرت هناك ..
وعندما ثارت تونس ضد الفرنسيين في ثورة اولاد دباب بقيادة الشيخ سعيد الدبابي وضايقتهم فرنسا لجاوا الى ليبيا والتف معهم الليبيون .. وخاضوا معهم معارك شهيرة في وادي المرطبه .. ووادي عفينه .. ووازن .. وذهيبة .. والرمادة .. وام اصويغ .. ومشهد صالح .. ووادي نكريف .. وشعبة النخلة .. واختلطت الدماء الليبية والدماء التونسية .. في هذه المعارك والتي استمرت من عام 1915 .الى 1920 وسقطت اغلب قيادات الجهاد شهداء وعلى راسهم الشيخ سعيد الدبابي الذي ازمع العقيد القذافي حمه الله ر ان يصدر فلما عن بطولته ..
وياتي الناتو ليهاجمنا من تونس .. ويقوم الجيش التونسي بحماية الاسلحة وتوصيلها للمتمردين .. ويساعدون ادخال اليهودي برنار ليفي الى ليبيا ..ويتطوع مئات التونسيين كمرتزقة للقتال تحت راية الناتو ضد اخوتهم في ليبيا ..
وسقط النظام الليبي الذي كان الداعم الوحيد لتونس والتونسيين .. وبقيت ليبيا تخوض في بركة من الدماء من عام 2011 الى الآن ..
وتدخل تركيا للمسرح .. عن طريق الخونة والعملاء .. وتهاجمنا بطائراتها ومرتزقتها .. ويتواطأ الغنوشي معهم .. ويلتقي مع اردوغان سرا وعلى انفراد
ليخطط معه كيف تساند تونس التدخل التركي .. الغنوشي الذي اخرجه القذافي من السجن ومن الاعدام . ووظب له راتب شهري يدفع له شهريا من الدعوة الاسلامية ..ويصمت رجال الجنوب التونسي . الذين نحسبهم منا وسندنا في الشدائد … وتنشيئ قطر محطة للتجسس على ليبيا في جبال تطاوين ورثتها عن الامريكان
ويصمت رجال الجنوب التونسي …
فالى رجال الجنوب التونسي واحفاد ابطال الجهاد ارسل هذه القصيدة والتي هي عتاب الاخ لاخوته .. لعلني احرك في مشاعرهم ساكنا اتمنى ان يتحرك ..
مع تقديري لكل الشعب التونسي ولكل قبائل الجنوب سابقا ولاحقا …
وشجبي لمواقف الاخوان المسلمين صنيعة الغرب في كل مكان من الوطن العربي ..وخاصة في تونس وليبيا ..

ياولاد دباب لعزاز انسيتوا………منهو نهار الشايمات القيتوا
———-
نسيتوا نهار اذهيبه ……….لحرار صيبه والكوافر صيبه
فزع كل ثاير ولعياط ايجيبه …….منينكم على عسكر احويو اقسيتوا
وجيش العدو بانت سوايا عيبه …… وحكم الكفر والكافرين عصيتوا
حمينا نجوع جنوبكم عل صيبه ……فتوا رشاد الحد وتهنيتوا
—————
انسيتوا نهار ارماده ………منين بان فرسان الجهاد اجهاده
فرنسيس هاكه اليوم شربه صاده……ومنه لقلوب العامرات شفيتوا
واليوم خليتوا العدو يتمادى ….واهل الجنوب الكل ماونيتوا
وماجاب فرسان الجنوب العاده ….عدو ليبيا ليه البيوت بنيتوا
وكل يوم جيش ابلادكم لاسياده …..يخون الجوار اللي زمان حميتوا
لبرنار ليفي يخدموا قواده ……..ويحملوا روبة اسلاح النيتو
وهالوطن شايبكم كلي من زاده …..خاين وخان الملح كيف رضيتوا
دبسيس حتى شايبات الغاده …….بالدين يكذب للعلي رقيتوا
————
سياسكم ماساسوا …………كل يوم عند الخاينين ايساسوا
حرمة الجيرة ولخواية داسوا…..واهل الجنوب الكل ماوفيتوا
حياص في باب لخواية حاسوا …….وعل فعلهم سبحان كيف اعميتوا
الخيان ردوهم ولا تتناسوا……تاريخ باسوار الحديد بنيتوا
————
انسيتوا الجهاد زمانا ………منين وطنكم سالوا عليه ادمانا
عجب كيف سو السو منكم جانا…..ولا عل اخيانات الجوار نهيتوا
احنا قبل نحسابوا الجنوب امعانا…..ولايترك الخيان في ناحيتو
وهالركن نسحابوا قداه دفانا …..ظهر فاهقه مافيه ماشديتوا
————-
لومي على ورغمه ………….اللي نجعهم مافيه حد يذمه
مرازيق كانوا فرسنه والهمه …..انتم تهدروا من قبل مارغيتوا
ودباب ثايرهم سعيد امسمى …….نزلت ادماكم للتراب رويتوا
اجليدات تفزع قبل باللي ثمه……..وظنوة شهيدة وينكم ماجيتوا
الحر حر مايترك ظنا بن عمه….للترك هللي افركنكم ضميتوا
خنجر طعنتونا جديد ابسمه …….كيف ماجفونا الجافيين جفيتوا
وحكامكم منهم اسباب الغمه ….فايح خبرهم كل ماغميتوا
هالبير هللي فارحين بجمه ……ينزح تجونا كيف قبل وجيتوا
وعل ليبيا تكمل ايام الزمه ….وفي مامضى كم من ربيع كليتوا
وعل شعبها البنتال ساهل ضمه ….وبير تشربوا فيه لحجار رميتوا
ولتراك هللي فاتحين مرمه …….في وطنكم ماحد داير فيتو
نضموه ونضموا وسايع كمه ………جا بالرضا والا عليه اقسيتوا
رجال ليبيا كيف الصخور الصمه ….كل من غزي يرجع كما بينيتو
ولومي ملام الخو عل بن عمه …….بوق التجسس تقدروا تسكيتو
في اجبال تطاوين شوفوا ثمه…… مركز يجينا السو من ناحيتو
قشيش قطر كونوا عاتيين اتضمه …..ومن خزيها نسحابكم مليتوا
—————–
==============6 مايو 2020