يحدث في تونس : تلميذة باكالوريا تنتظر نتيجتها إلى اليوم بعد أن أضاعوا ورقة امتحانها

نشرت اية بن موسى و هي تلميذة بكالوريا علوم إعلامية من معهد حومة السوق جربة دورة   2021  أكدت من خلالها عدم حصولها على نتيجة البكالوريا إلى حدود اليوم بعد أن تم إضاعة ورقة امتحان الفرنسية الخاصة بها و مماطلتها في الحصول على حقها باعتبار أنها لا تتحمل مسؤولية ضياع الامتحان إلا أنها وجدت نفسها عاجزة أمام الإستهتارو الامبالاة من المسؤولين و فيما يلي نص التدوينة :
يحدث في تونس:
أنا آية بن موسى باكالوريا علوم إعلامية 2021 من معهد حومة السوق جربة.
مازلت نستنا في النتيجة متاعي لليوم بعد عام كامل تعب و خدمة و قراية مازلت نستنا، وقتلي صحابي لكل ناجحين و شادين جامعاتهم . إلي صارلي ظلم كبير، أنا عايشة في بلاد مصيري فيها مجهول تو نكلموك غدوة، آخر جمعة هذي نجاوبوك، مترسمش معادش يعطلوا عليك و بعد يقولولك الباك عندو مصدقيتو أنا ليوم نجاحي مرهون في دفوار الفرنسي إلي ضيعوهولي مانيش طالبة شئ كان حقي، كان فرحتي بنجاحي إلي سرقوها مني و فرحة أمي و بابا بيا .
نتمنى إلي عشتو ميعيشو حد و إلي حسيتو ميحسو حد، عام السنا كانلي درس كبير عرفت فيه شكون صحابي و شكون إلي يحبني بالحق و عرفت إلي وقت غصرتك ماتلقى كان عايلتك معاك خاطر لعباد ميخسرو عليك كان عاود العام لاك أول وحدة و لاك آخر وحدة، أما ديما ثيقتي في ربي كبيرة و نعرف إلي مش باش يضيعلي حقي.
الباك رو حلمة كل واحد في عمري، أما ننصحكم ردو بالكم على أحلامكم خاطر تنجم للأسف تتسرق في بلاد إسمها تونس.💔